Banghay-Aralin sa FILIONE

Banghay - ARALIN sa Pagtuturo ng Filipino 1

I.              Paksa/Mga Kasanayan/Mga Kagamitan

Paksa                                     : Pagkahumanismo ng Akda

Susuriing Genre                      : Tula

Halimbawang Akda                            : Ang Pamana

                                                       Ni Jose Corazon Aragon de Jesus

Mga Kagamitan                      :  Sipi ng tula, CD, tsart, Laptop, larawan

Kasanayang Pampanitikan      :  Pagtutukoy sa magagandang

katangianng tao sa akda                                                                

Kasanayang Pampag-iisip       :  Matalinong pagpapasya

Halagang Pangkatauhan         :  Pagpapahalaga sa damdamin

ng kapwa

           

II.         Mga Inaasahang Bunga (Bawat Araw)

  

A.   Nakapaglalahad ng mga pangyayari/karanasang kaugnay sa mga pangyayaring nakapaloob sa tula.

B.  Mga Layuning Pampagtalakay

   

B.1.     Pagsusuring Panglinggwistika

Natutukoy ang mga elementong ponemiko ng tula (sukat at tugma).

    

B.2.     Pagsusuring Pangnilalaman

Naiisa-isa ang mga nais sabihin ng tula sa mambababasa (sa sarili at sa iba / sa indibidwal at kalahatan)

B.3.     Pagsusuring Pampanitikan

           

Nailalapat ang mga katawagang pampanitikan sa pagbasa.

C.    Naiuugnay ang mga karanasan sa tula sa aktwal na karanasan.

D.    Nakasusulat ng liham kaugnay ng paksa ng tulang binasa.

III.        Proseso ng Pagkatuto

           

           Unang araw

           

A.   Mga Panimulang Gawain  (5 minuto)

Mungkahing Istratehiya :

Pakikinig sa Awit na “Anak ni Freddoie Aguilar”

B.   Pagtalakay sa Nilalaman ng Awit (15 minuto)

a.    Mensahe ng awitin.

b.    Kaisipang inihahatid ng awitin.

Pagganyak (20 minuto)

Mungkahing Istratehiya :  FACT FINDING STRANDS

                               (Batay sa isang tanong)

Pamamaraan :

1.    Magtatanong ang guro ng iisang tanong lang para sa lahat ng mag-aaral ngunit pangangatwiranan ito.

2.    Ipupuno ang sagot sa loob ng kahon.

3.    Gagawa ng kongklusyon ang klase batay sa mga sagot na nasa loob ng kahon

Tanong:

·         Kung kayo ang masusunod, ano ang gusto ninyong manahin sa magulang?  Bakit ito ang gusto mo?

Pagpapabasa sa Tula. (10 minuto)

Mungkahing Istratehiya :  Madamdaming pagbasa ng isang magaling na mag-aaral at pagkatapos ay sabayan naman.

ANG PAMANA

(Tula ng damdamin ni Jose Corazon de Jesus)

Isang araw ang ina ko’y nakita kong namamanglaw

Naglilinis ng marumi’t mga lumang kasangkapan.

Sa pilak ng kanyang buhok na hibla ng katandaan

Nabakas ko ang maraming taon niyang kahirapan;

Nakita ko ang ina ko’y tila baga nalulumbay

At ang sabi “itong pyano sa iyo ko ibibigay,

Ang kubyertos nating pilak ay kay Itang maiiwan,

Mga silya’t aparador ay kay Tikong nababagay

Sa ganyan ko hinahati itong ating munting yaman”.

Pinilit kong pasayahin ang lungkot ng aking mukha

Tinangka kong magpatawa upang siya ay matuwa,

Subalit sa aking mata’y may namuong mga luha

Naisip ko ang ina ko, ang ina ko na kawawa;

Tila kami iiwan na’t may yari nang huling

Nasa at sa halip na magalak sa pamanang mapapala,

Sa puso ko ay dumalaw ang malungkot na gunita

Napaiyak akong tila isang kaawaawang bata

Niyakap  ko ang ina ko at sa kanya ay winika.

“Ang ibig ko sana, Ina’y ikaw aking pasayahin

at huwag nang makita pang ika’y nalulungkot mandin,

O, Ina ko, ano po ba at naisipang hatiin

Ang lahat ng munting yamang maiiwan sa amin?

“Wala naman”, yaong sagot “baka ako ay tawagin ni Bathala

mabuti nang malaman mo ang habilin!

Iyang pyano, itong silya’t aparador ay alaming

Pamana ko na sa iyo, bunsong ginigiliw.

“Ngunit Inang” ang sagot ko, “ang lahat ng kasangkapan

Ang lahat ng yaman dito ay hindi ko kailangan

Ang ibig ko’y ikaw ina, ang ibig ko’y ikaw inang

Hinihiling ko sa Diyos na ang pamana ko’y ikaw

Aanhin ko iyong pyano kapag ikaw ay namatay

At hindi ko matutugtog sa tabi ng iyong hukay?

Ililimos ko sa iba ang lahat ng ating yaman

Pagkat di ka maaaring pantayan ng daigdigan

Pagkat, ikaw O Ina ko, ika’y wala pang kapantay”.

IV. Pangkatang Gawain: (30 minuto)

                      A.         

Pangkat 1 at 2:  Pagsasadula  ng mga tiyak na pangyayaring  inilahad

                           sa tula.

Mungkahing Istratehiya : (Pipipli ang pangkat ng isasadula mula sa apat na saknong)

Pangkat 3 at 4:  Pagguhit ng isinasaad ng mensahe ng tula

            Mungkahing Istratehiya :  Pagguhit ng imagery batay sa tula at ipaliwanag kung paano isinasaad ang mensahe ng tula mula sa iginuhit.

Pangkat 5 at 6: Pagbubuod sa tula.

             Mungkahing Istratehiya :   Story   Ladder-  Gagamitin ito para maibigay ang buod ng tula sa pamamagitan ng pagsasalaysay.

 

B.     Pagbabahaginan ng gawain sa pagbubuod. (10 minuto)